Rev 18 | Ndebele | STEP | Emva kwalezizinto-ke ngabona enye ingilosi isehla ivela ezulwini , ilamandla amakhulu; lomhlaba wakhanyiswa yikukhazimula kwayo .

1 Emva kwalezizinto-ke ngabona enye ingilosi isehla ivela ezulwini ^a, ilamandla amakhulu; lomhlaba wakhanyiswa yikukhazimula kwayo ^b. 2 Yasimemeza ngamandla, ngelizwi elikhulu ^c isithi: Iwile, iwile iBhabhiloni enkulu ^d, isiyindawo yokuhlala amadimoni ^e, lentolongo yawo wonke umoya ongcolileyo ^f, lezongo layo yonke inyoni engcolileyo lezondekayo ^g. 3 Ngoba izizwe zonke zinathe okwewayini lolaka lobufebe bayo ^h, lamakhosi omhlaba aphingile layo ⁱ, labathengisi bomhlaba banothile ^j ngamandla okuzitika ngenotho yayo ^k.

4 Ngasengisizwa elinye ilizwi livela ezulwini, lisithi: Phumani kuyo ^l, bantu bami, ukuze lingahlanganyeli kanye lezono zayo, lokuze lingemukeli okwezinhlupheko zayo; 5 ngoba izono zayo zixhumene zize zifike ezulwini ^m, loNkulunkulu ukhumbule ukungalungi kwayo ⁿ. 6 Phindiselani kuyo njengokuphindisela kwayo kini ^o, liphinde kabili kuyo njengokwemisebenzi yayo; enkezweni eyixubanisileyo, xubanisani kiyo kabili ^p. 7 Njengokuzidumisa kwayo okungaka ^q, izitika enothweni ^r, ngokunjalo kupheni yona ubuhlungu lokulila okungaka; ngoba ithi enhliziyweni yayo ^s: Ngihlezi ngiyindlovukazi ^t, njalo kangisuye umfelokazi ^u, futhi kangisoze ngabona ukulila. 8 Ngakho zizafika ngosuku lunye izinhlupheko zayo ^v, ukufa lokulila lendlala, futhi izatshiswa ngomlilo ^w; ngoba ilamandla iNkosi uNkulunkulu eyigwebayo ^x.

9 Lamakhosi omhlaba ^{y
,} ^z aphinga layo ^aa ezitika enothweni ^ab azayikhalela alile ngenxa yayo ^{ac
,} ^ad, lapho ebona intuthu yokutsha kwayo ^ae, 10 esima khatshana ngokwesaba kobuhlungu bayo, esithi: Maye, maye, umuzi omkhulu, iBhabhiloni, umuzi olamandla ^af, ngoba ngehola elilodwa isigwebo sakho sifikile! ^ag

11 Labathengisi bomhlaba bazayikhalela bayililele ^ah, ngoba kakulamuntu othenga impahla yabo futhi ^ai; 12 impahla yegolide ^aj, leyesiliva, leyelitshe eliligugu ^ak, leyepharele* ^al, leyelembu elicolekileyo kakhulu ^am, leyibubende ^an, leyesilika*, leyokubomvu ^ao; laso sonke isihlahla esilephunga, laso sonke isitsha sempondo zendlovu, laso sonke isitsha sesihlahla esiligugu elikhulukazi, leyethusi, leyensimbi, leyelitshe elimhlophe; 13 lekinamoni*, lokulephunga elimnandi, lenhlaka, lempepha, lewayini, lamafutha, lempuphu ecolekileyo ^ap, lengqoloyi, lezifuyo, lezimvu, lamabhiza, lezinqola, lemizimba ^aq, lemiphefumulo yabantu ^ar. 14 Lezithelo zesifiso somphefumulo wakho zisukile kuwe, lazo zonke izinto ezinonileyo lezikhazimulayo zisukile kuwe, kawusoze ubuye uzithole.

15 Abathengisi balezizinto ^as, abanothe ngayo ^at, bazakuma khatshana ngokwesabeka kobuhlungu bayo, bekhala belila, 16 njalo besithi: Maye, maye, lo umuzi omkhulu ^au, owawembathiswe ^av ngelembu elicolekileyo kakhulu ^aw lokuyibubende ^ax lokubomvu ^ay, uceciswe ngegolide ^az lelitshe eliligugu lamapharele! ^ba 17 Ngoba ngehola elilodwa ^bb inotho engaka ichithiwe ^bc. Layo yonke induna yomkhumbi ^bd, lalo lonke ixuku emikhunjini, labomkhumbi, labo bonke abasebenza olwandle bema khatshana, 18 basebekhala bebona intuthu yokutsha kwayo ^be, besithi: Yiwuphi ofanana lawo umuzi omkhulu? ^bf 19 Basebethela uthuli emakhanda abo ^bg, bememeza bekhala belila ^bh, besithi: Maye, maye, umuzi omkhulu ^bi, khona lapho bonke ababelemikhumbi olwandle banothe ngawo ngenotho yawo ^bj; ngoba ngehola ^bk elilodwa uchithiwe! ^bl 20 Thokoza ngawo, zulu ^bm, lani baphostoli abangcwele labaprofethi ^bn; ngoba uNkulunkulu ugwebe isigwebo senu kuwo ^bo.

21 Lengilosi eyamandla yaphakamisa ilitshe elinjengelitshe lokuchola elikhulu ^bp, yasiliphosela olwandle, isithi: Ngokunjalo ngodlakela ^bq iBhabhiloni umuzi omkhulu izaphoswa ^br, njalo ingabe isaficwa lakanye. 22 Lomsindo wabatshaya amachacho ^{bs
,} ^bt lowabahlabeleli ^bu lowabatshaya imihlanga ^bv lowabatshaya izimpondo, kawusoze uphinde uzwakale phakathi kwakho, layo yonke ingcwethi loba eyawuphi umunwe kayisayikuficwa phakathi kwakho lakanye, lomsindo welitshe lokuchola kawusoze uphinde uzwakale phakathi kwakho ^{bw
,} ^bx, 23 lokukhanya kwesibane kakusoze kusakhanya phakathi kwakho ^by, lelizwi lomyeni lomakoti kalisayikuzwakala phakathi kwakho lakanye ^{bz
,} ^ca; ngoba abathengisi bakho ^cb bebeyizikhulu zomhlaba ^cc; ngoba ngokuthakatha kwakho ^{cd
,} ^ce izizwe zonke zikhohlisiwe, 24 futhi kuyo kwaficwa igazi labaprofethi lelabangcwele ^cf, lelabo bonke ababebulewe emhlabeni ^cg.